სოკარი: ბუნებრივი აირი ქალაქის ყველა უბანში ჩართულია

„ბუნებრივი აირი ქალაქის ყველა უბანში ჩართულია,“ – აცხადებენ კომპანია „სოკარ გაზში“. კომპანიის პრესსამსახურის ინფორმაციით, ამ დროისთვის მოქალაქეებს კომპანიის წარმომადგენლები აფრთხილებენ.

„ჩვენი წარმომადგენლები დადიან ქალაქის ქუჩებში, ხვდებიან მოქალაქეებს, აფრთხილებენ ინდივიდუალურად და ასევე მეგაფონებით, რომ გაზი ჩართულია და ფრთხილად ჩართონ, ფრთხილად მოეკიდონ ღიად დატოვებულ გაზის ონკანებს. ნებისმიერი სირთულის შემთხვევაში შეუძლიათ დაგვირეკონ ცხელ ხაზზე: 16 114“, – გვითხრეს „სოკარ გაზის“ პრესცენტრში.

„სოკარ გაზის“ ინფორმაციით, ბუნებრივი აირის მიწოდება აღდგენილია ხელვაჩაურსა და ქობულეთშიც.

ბუნებრივი აირის მიწოდება გუშინ, 6 თებერვალს, დილის 9 საათიდან შეწყდა.

ნეტგაზეთის მასალების სხვა გამოცემებში გადაბეჭდვის წესი


ავტორი