მოქალაქემ საპატრიარქოსთან სასამართლო დავა წააგო – მიწის ნაკვეთი მისასვლელი გზის გარეშე

მოქალაქე შაქრო თურმანიძის სარჩელი საპატრიარქოს წინააღმდეგ მოსამართლე გოჩა ფუტკარაძემ არ დააკმაყოფილა. შაქრო თურმანიძეს მიწის ნაკვეთი ფერიის მთაზე აქვს. საკუთრებასთან მისასვლელი გზა კი ფერიის ეკლესიის გალავანს შიგნით მოექცა. მოქალაქე „სავალდებულო გზის“ გამოყოფას ითხოვს.

„თქვენ თუ მისასვლელი გჭირდებათ, ამას მიაღწევთ,“ – მიმართა მოსამართლემ შაქრო თურმანიძეს. მოსამართლემ განმარტა, რომ მიწაზე ამ დროისთვის არ მიმდინარეობს მშენებლობა და არც ნებართვაა გაცემული რაიმე ტიპის მშენებლობაზე. თუკი ნებართვის აღების შემდეგ შუქრი თურმანიძეს მისასვლელი გზა არ ექნება, ამ შემთხვევაში უნდა მიმართოს მან სასამართლოს.

„მშენებლობის ნებართვაზე მერიაში პროექტი არ შემიტანია, რადგან მითხრეს, თუ გზა არ გაქვს, ისე მშენებლობას რა აზრი აქვსო. სასამართლოს გადაწყვეტილებას აუცილებლად გავასაჩივრებ,“ – გვითხრა შაქრო თურმანიძემ საქმეზე საბოლოო გადაწყვეტილების გამოცხადების შემდეგ.

ამ თემაზე: მოქალაქე ამბობს, რომ საპატრიარქომ მის მიწასთან მისასვლელი გზა წაართვა

ნეტგაზეთის მასალების სხვა გამოცემებში გადაბეჭდვის წესი


ავტორი