ქედაში მეწყერმა სასოფლო გზა ჩაკეტა

ქედის მუნიციპალიტეტის სოფელ ზვარეში განვითარებულმა მეწყერმა შიდა სასოფლო გზა ჩაკეტა. მეწყერი განვითარდა სოფელ კუჭულაშიც, ნაკაშიძეების საცხოვრებელ სახლთან.

ქედის მერის, ლევან გორგილაძის ინფორმაციით, ამ დროისთვის ნაკაშიძეების ოჯახი უსაფრთხო ადგილზე იმყოფება. რაც შეეხება სოფელ ზვარეში საავტომობილო გზას, მერის თქმით, იგი უახლოეს პერიოდში გაიხსნება.

„ნაკაშიძეების ოჯახი დროებით მეზობელთან გადავიდა, საცხოვრებელ სახლთან განვითარებულ მეწყრულ პროცესებს  გეოლოგები ხვალ შეისწავლიან. მერია გეოლოგიური დასკვნის შესაბამის ღონისძიებას გაატარებს. რაც შეეხება სოფელ ზვარეში სასოფლო გზაზე განვითარებულ მეწყერს, არ არის დიდი მიწის მასა ჩამოსული, საავტომობილო გზა უახლოეს პერიოდში აღდგება,“ – ამბობს მერი

ნეტგაზეთის მასალების სხვა გამოცემებში გადაბეჭდვის წესი
ავტორი