მთავარი,სიახლეები

82 წლის ქალი: პოლიცია სახლიდან ნივთების გამოტანის საშუალებას არ მაძლევს

29.01.2018 • 2007
82 წლის ქალი: პოლიცია სახლიდან ნივთების გამოტანის საშუალებას არ მაძლევს

82 წლის ალექსანდრა ტერუნი აჭარის მთავრობის სახლთან შიმშილობას ისევ აპირებს. ამბობს, რომ პოლიცია მას ყურადღებას არ აქცევს და სახლიდან პირადი ნივთების გამოტანის საშუალება არ აქვს. ალექსანდრას ქონებრივი დავა ჰქონდა და მას სახლის კანონიერი მესაკუთრე არ აძლევს იქ შესვლის უფლებას.

სახლის კარი, რომელიც მთელი ცხოვრება ჩემი იყო, 25 დეკემბერს დამხვდა აჭედილი… მას შემდეგ ხან ერთ ახლობელთან ვცხოვრობ, ხან მეორესთან. პოლიციის მესამე განყოფილებას რამდენჯერმე მივმართე, მაგრამ არავინ ყურადღებას არ მაქცევს. მინდა, რომ შევიდე და ჩემი ნივთები წამოვიღო. იქ არიან ჩემი კატებიც… ჩემი ახლობელი მიდის და კარის ჭუჭრუტანიდან აჭმევს,” – ამბობს ალექსანდრა.

ალექსანდრა ტერუნი იანვარშიც შიმშილობდა ჯერ პროკურატურასთან, შემდეგ – აჭარის მთავრობის სახლთან.

“შიმშილობა შევწყვიტე, რადგან მთავრობაში აპარატის უფროსი, გოჩა ჯაში შემხვდა და დამპირდა, პოლიცია დაგეხმარებათო. მას შემდეგ უშედეგოდ ველი…” – დასძინა ხანდაზმულმა.

ალექსანდრა ტერუნი დღეს სასამართლოში სახლის მესაკუთრის – სოფიო გ.-ს პროცესს ესწრება. მას გამოძიება 82 წლის მოხუცზე ფიზიკურ ძალადობას ედავება.

 

გადაბეჭდვის წესი


ასევე: