მთავარი,სიახლეები

შეცვლილი როლები მეოცე საუკუნის სექსისტურ პოსტერებში

19.01.2018 • 2965
შეცვლილი როლები მეოცე საუკუნის სექსისტურ პოსტერებში

დიდი გარჯა არ დაგჭირდებათ, თუ სექსისტური რეკლამების ძებნას შეუდგებით სატელევიზიო ეთერსა და ბეჭდურ პრესაში. მე-20 საუკუნის შუა წლებში ასეთი რეკლამები ჩვეულებრივად აღიქმებოდა და ნორმალურ, მეტიც მიმზიდველ სარეკლამო პროდუქტად მიიჩნეოდა.

ქვემოთ მოცემული, მეოცე საუკუნის შუაპერიოდისდროინდელი სარეკლამო პოსტერები არა მხოლოდ  მოძველებული და გამაღიზიანებელი, არამედ ძალადობრივი ელემენტების შემცველიცაა. ბევრ პოსტერზე ქალთმოძულეობის აშკარა და პირდაპირ მინიშნებებსაც აღმოაჩენთ. გენდერული სტერეოტიპები დღემდე შეინიშნება თანამედროვე რეკლამებში, თუმცა ბევრად მსუბუქი ფორმით.

ფოტოგრაფი ელი რეზკალა მე-20 საუკუნის ყველაზე საშინელ სარეკლამო პოსტერებზე უცვლის როლებს ქალებსა და მამაკაცებს. ფოტოპროექტს „პარალელური სამყარო“ ჰქვია.

ფოტოგრაფის მიერ შერჩეულ ძველ რეკლამებში ქალი მხოლოდ სადილის მკეთებელ, ჭურჭლის მრეცხავ, საახალწლოდ მტვერსასრუტზე მეოცნებე უსუსური არსებაა, რომელსაც კეტჩუპის ბოთლის გახსნაც არ შეუძლია დამოუკიდებლად.

ელი რეზკალას ფოტოპროექტის იდეა მადლიერების დღეს ნათესავებთან შეხვედრის შემდეგ გაუჩნდა – „ვისმენდი, როგორ საუბრობდნენ ჩემი ბიძები, რომ ქალს უკეთ გამოსდის და ევალება კიდეც სადილის მომზადება, სამზარეულოში ფუსფუსი, ქალური ვალდებულებების საკუთარ თავზე აღება. მართალია ვიცი, რომ ყველა კაცი ასე არ ფიქრობს, მაგრამ უსიამოვნო იყო იმის განცდა, რომ შენი ახლობლები და ბევრი სხვაც, ირგვლივ ასე ფიქრობს, ამიტომაც გადავწყვიტე შემეცვალა გენდერული როლები პოსტერებზე და სექსისტური დამოკიდებულებების შხამი ასე მოაზროვნეებისთვის უკან დამებრუნებინა,“ – ამბობს ფოტოგრაფი ერთ-ერთ ინტერვიუში. 

 

 

 

 

 

 

 

წყარო: Mymodernmet

 elirezkallah.com

გადაბეჭდვის წესი


ასევე: