ძველ ბათუმში აჭარის მთავრობა 232 კვ/მ არასაცხოვრებელ ფართობს ყიდის

აჭარის მთავრობა ძველ ბათუმში, ელიავას ქუჩაზე, N4-ში [აჭარის ყოფილი შს სამინისტროს შენობის უკან] მდებარე სამ არასაცხოვრებელ ფართობს ყიდის. არასაცხოვრებელი ფართობები ჯამში 232,5 კვ/მეტრია.

აჭარის ფინანსთა და ეკონომიკის სამინისტროს ქონების გაყიდვაზე აუქციონი გამოცხადებული აქვს. საწყისი გასაყიდი ფასი 255 ათასი ლარია, ბიჯი – 5 ათასი. ქონება პირობებით იყიდება.

აუქციონის პირობების მიხედვით, მყიდველმა:

  • ხელშეკრულების გაფორმებიდან 1 თვის ვადაში, სამინისტროში შესათანხმებლად უნდა წარადგინოს საპროექტო ობიექტის ვიზუალური ესკიზი (ფასადის ხედი)
  • ხელშეკრულების გაფორმებიდან 3 თვის ვადაში, უნდა დაიწყოს საზოგადოებრივი დანიშნულების ობიექტის შენობისთვის შესაბამისი სარემონტო სამუშაოები და არაუგვიანეს 18 თვის ვადაში უნდა დაასრულოს
  • ხელშეკრულების გაფორმებიდან 24 თვის ვადაში, უნდა აამოქმედოს საზოგადოებრივი დანიშნულების ობიექტი და პროექტის ფარგლებში განახორციელოს 300 ათასი ლარის ინვესტიცია
  • საზოგადოებრივი დანიშნულების ობიექტის ამოქმედებიდან 1 თვის ვადაში არანაკლებ 7 მოქალაქის დასაქმება

ელექტრონული აუქციონი 2018 წლის 9 იანვარს დაიწყო და 23 იანვარს დასრულდება.

შენობა, სდაც აუქციონზე გატანილი ფართობებია განთავსებული / ბათუმი / ფოტო აუქციონის ვებგვერდიდან

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com