შემოსავლების სამსახურის ინფორმაციით, 17 იანვარს, საბაჟო გამშვებ პუნქტში „სარფი“, ფინანსთა სამინისტროს შემოსავლების სამსახურის მებაჟე ოფიცრების მიერ, სამსახურეობრივი ძაღლის დახმარებით, საქართველოს მოქალაქის გ.ნ-ს, მართვის ქვეშ არსებული ავტომობილის დათვალიერებისას, მარიხუანა (0,723 გრ.) და შავი კანაფის ფისი (0,107 გრ.) გამოვლინდა. მებაჟე-ოფიცრებმა, ასევე აღმოაჩინეს 2 ფირფიტა ნარკოტიკული ნივთიერების შემცველი მედიკამენტი (FENTANYL 0,0192 გრამის შემცველობის).
საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს აჭარის პოლიციის დეპარტამენტის ხელვაჩაურის რაიონულ სამმართველოს გადაეცა.