ბათუმის საკრებულოს თავმჯდომარემ სხდომა დატოვა

ბათუმის საკრებულოში სხდომა შეწყდა. საკრებულოს თავმჯდომარემ, სულიკო თებიძემ, სხდომათა დარბაზი მას შემდეგ დატოვა, როცა მასთან მივიდა მირდატ ქამადაძე „ნაციონალური მოძრაობიდან“ და მოსთხოვა პასუხის გაცემა, რატომ არ ჰქონდა კითხვის დასმის უფლება.

„ხელები დაიმორჩილე და დაჯექი, კაცურად მოიქეცით,“ – მიმართა საკრებულოს თავმჯდომარემ ოპოზიციას.

„კაცურობას და არაკაცურობას შეეშვით, საკრებულოა ეს… თუ არ შეგიძლიათ მაქ ჯდომა, ჩამოდით. ეტყობა მაქედან პატარებად გეჩვენებით,“ – უთხრა სულიკო თებიძეს მირდატ ქამადაძემ.

საკრებულოს თავმჯდომარემ ისე დატოვა სხდომათა დარბაზი, რომ არ უთქვამს, რის გამო შეწყდა ან როდის განახლდებოდა სხდომა.

ამ წუთებში საკრებულოს წევრები სხდომათა დარბაზს უბრუნდებიან.

ბათუმის საკრებულოს სხდომა / 18.01.2018

ბათუმის საკრებულო დღევანდელ, 18 იანვრის სხდომაზე, 21 საკითხს განიხილავს, მათ შორის, თანამდებობრივი სარგოების საკითხს, ასევე მიკროავტობუსით მგზავრობის საფასურის გაზრდას.

ბათუმის საკრებულოს წევრები სიტყვიერად ერთმანეთს ოფიციალურად განსაზღვრული საკითხების განხილვის დაწყებამდე დაუპირისპირდნენ.

ნეტგაზეთის მასალების სხვა გამოცემებში გადაბეჭდვის წესი


ავტორი