ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის უფროსის მოვალეობის შემსრულებელი - მირიან მეტრეველი

ზონალური შეთანხმების თაობაზე გადაწყვეტილების მიღების წესი იცვლება

ბათუმის მუნიციპალიტეტის საკრებულოში საფინანსო და ეკონომიკური განვითარებისა და  ინფრასტრუქტურის განვითარების კომისიების გაერთიანებულ სხდომაზე კომისიების წევრებმა „დასახლებათა ტერიტორიების გამო­ყე­ნე­ბისა და განაშე­ნი­ანების რეგული­რების წესების შესახებ“ თვითმმარ­თველი ქალა­ქის – ბათუმის საკრე­ბუ­ლოს 2012 წლის 14 სექტემბრის №50 დადგენილებაში ცვლილების შეტანის თაობაზე“ საკრებულოს დადგენილების პროექტზე იმსჯელეს.

დადგენილების პროექტის მიხედვით, სპეციალური (ზონალური) შეთანხმების თაობაზე გადაწყვეტილების მიღების წესი ახლებური ფორმით ჩამოყალიბდება.

ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის უფროსის მოვალეობის შემსრულებელი - მირიან მეტრეველი

ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის უფროსის მოვალეობის შემსრულებელი – მირიან მეტრეველი.

დღემდე მოქმედი რეგულაციით, კონკრეტული მიწის ნაკვეთისთვის განსაზღვრული სპეციალური (ზონალური) შეთანხმების კ2 კოეფიციენტის მნიშვნელობის გაზრდის თაობაზე, დასახლებათა ტერიტორიების გამოყენებისა და განაშენიანების რეგულირების საკითხთა კომისიის ( საბჭო) წარდგინების საფუძველზე, გადაწყვეტილებას იღებს ბათუმის მუნიციპალიტეტის აღმასრულებელი ორგანო. ამასთანავე, რეგულაციით განსაზღვრულია აღნიშნული კომისიის მუშაობის წესი და პირობები.

წარმოდგენილი დადგენილების პროექტის მიხედვით, ცვლილება განხორციელდება სწორედ გადაწყვეტილების მიღების წესში. კერძოდ: ახალი წესის შესაბამისად, კონკრეტული მიწის ნაკვეთისთვის განსაზღვრული სპეციალური (ზონალური) შეთანხმების კ2 კოეფიციენტის მნიშვნელობის გაზრდის თაობაზე ქ. ბათუმის მუნიციპალიტეტის აღმასრულებელი ორგანო – ქ. ბათუმის მუნიციპალიტეტის მერი გადაწყვეტილებას მიიღებს ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის წერილობითი დასკვნის საფუძველზე.

ბათუმის საკრებულოს საფინანსო და ეკონომიკური განვითარებისა და ინფრასტრუქტურის განვითარების კომისიების გაერთიანებული სხდომა

ბათუმის საკრებულოს საფინანსო და ეკონომიკური განვითარებისა და ინფრასტრუქტურის განვითარების კომისიების გაერთიანებული სხდომა

ცვლილებით, ასევე, განსაზღვრულია ქ. ბათუმის მუნიციპალიტეტის მერიის არქიტექტურისა და ურბანული დაგეგმარების სამსახურის მიერ კონკრეტული მიწის ნაკვეთისთვის განსაზღვრული სპეციალური (ზონალური) შეთანხმების კ2 კოეფიციენტის მნიშვნელობის გაზრდის თაობაზე წერილობითი დასკვნის წარდგენის ვადა და პირობები.

დადგენილების პროექტს, რომელიც კომისიის წევრებს ბათუმის მერიის არქიტექტურისა და ურბანული დაგეგმარების სამსახურის უფროსის მოვალეობის შემსრულებელმა მირიან მეტრეველმა გააცნო,  ბათუმის საკრებულო 18 იანვარს მორიგ სხდომაზე განიხილავს და მიღების შემთხვევაში ძალაში შევა გამოქვეყნებისთანავე.

ნეტგაზეთის მასალების სხვა გამოცემებში გადაბეჭდვის წესი
ავტორი