ქობულეთში საცხოვრებელი სახლის ნაწილი დაიწვა

ქობულეთში, ფიჭვნარის დასახლებაში, კაკალაძეების საცხოვრებელ სახლს ცეცხლი გაუჩნდა. ხანძრის შედეგად სახლის ნაწილი დაიწვა. სახლში ექვსსულიანი ოჯახი ცხოვრობდა.

ხანძრის გამომწვევი მიზეზი ამ დროისთვის უცნობია. შინაგან საქმეთა სამინისტროს ინფორმაციით, დაიწყო გამოძიება სისხლის სამართლის კოდექსის 187-ე მუხლის მეორე ნაწილის მიხედვით, რაც სხვისი ნივთის დაზიანებას ან განადგურებას გულისხმობს.

შემთხვევის ადგილზე იმყოფებოდა ქობულეთის მერი მირიან ქათამაძე. მისი თქმით, ხანძრის შედეგად დაზარალებულების მდგომარეობას სტიქიის შემსწავლელი კომისია განიხილავს.

ფოტოები: ქობულეთის მერის, მირიან ქათამაძის, ოფიციალური ფეისბუქგვერდიდან

ნეტგაზეთის მასალების სხვა გამოცემებში გადაბეჭდვის წესი


ავტორი