საბავშვო ლიტერატურის უფასო ციფრული ბიბლიოთეკა

ციფრული ბიბლიოთეკა UCLA 1800-ზე მეტ საბავშვო, ილუსტრირებულ წიგნსა და სასწავლო სახელმძღვანელოს გთავაზობთ უფასოდ. ბიბლიოთეკის არქივში ნახავთ წიგნებს კლასიკური საბავშვო ლიტერატურიდან, ასევე შეუზღუდავადაა შესაძლებელი თანამედროვე ინგლისურენოვანი საბავშვო ლიტერატურის როგორც ონლაინ კითხვა, ასევე გადმოწერა.

მე-17 საუკუნეში საბავშვო წიგნები თითქმის არ არსებობდა. ბავშვებისთვის ხელმისაწვდომი იყო მხოლოდ საგანმანათლებლო სახელმძღვანელოები, გრამატიკული თუ სხვა სახის აკადემიური ტექსტები, მაგრამ არა გასართობი ლიტერატურა. მხოლოდ მე-18 საუკუნის შუა წლებიდან ჩნდებიან გამომცემლები, ავტორები და ილუსტრატორები, რომლებიც საბავშვო ლიტერატურის, როგორც გასართობი და არა მხოლოდ საგანმანათლებლო დანიშნულების ტექსტებზე მუშაობენ.

უფასო ბიბლიოთეკაში განთავსებულია 1728-დან 1999 წლამდე გამოცემული ინგლისურენოვანი საბავშვო წიგნების უმრავლესობა.

კითხვის დასაწყებად საკმარისია გვერდზე გადასვლა და საძიებო ფილტრების საშუალებით ავტორის, სათაურის ან გამოცემის წლის მიხედვით ამა თუ იმ წიგნის პოვნა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან