სასწრაფო სამედიცინო ცენტრი: მოსახლეობას ვურჩევთ თავი შეიკავონ გადაბმული სმისგან

ალკოჰოლური ინტოქსიკაციის გამო ახალი წლის დღეებში ბათუმის სასწრაფო სამედიცინო დახმარების სამსახურის გამოძახების 30 შემთხვევაზე მეტი იყო – უთხრა „ბათუმელებს“ მინდია კახიძემ, ბათუმის სასწრაფო-სამედიცინო ცენტრის ხელმძღვანელმა. მისი თქმით, მედიკოსებმა პაციენტებს ძირითადად ადგილზე  გაუწიეს გადაუდებელი დახმარება, თუმცა რამდენიმე შემთხვევაში პაციენტის საავადმყოფოში გადაყვანაც გახდა საჭირო.

„მძიმე მდგომარეობები, გართულებები არ ყოფილა საბედნიეროდ. მოსახლეობას ვურჩევ, ზომიერად მოიხმარონ ალკოჰოლი, თავი შეიკავონ გადაბმული სმისგან და მიიღონ ბევრი სითხე, ნატურალური წვენები და მინერალური წყლები“ – აღნიშნა მინდია კახიძემ.

მისი თქმით, ამ დღეებში მრავალფეროვანი სუფრა ასევე ართულებას მდგომარეობას ალკოჰოლური ინტოქსიკაციის შემთხვევაში.

ტოქსიკოლოგის რეკომენდაცია ნაბახუსევის დროს ბევრი სითხის მიღებაა, ასევე, ნაბახუსევის დროს ადამიანი უნდა ერიდოს ფიზიკურ დატვირთვას.

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com