როგორი ამინდი იქნება ბათუმში 31 დეკემბერს

წინასაახალწლო დღეები ბათუმში ღრუბლიანი, თუმცა თბილი და უნალექო იქნება – ასეთია გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის პროგნოზი.

30 დეკემბერს მოსალოდნელია ცვალებადი მოღრუბლულობა უნალექოდ. იქროლებს ცვალებადი მიმართულების ქარი 10-15 მეტრი წამში, ტემპერატურა სანაპირო რაიონებში ღამით 3-8 იქნება, დღისით – 12-17 გრადუსი სითბო. მთაში ღამით მოსალოდნელია  – 0-5 ყინვა, დღისით – 3-8 სითბო.

31 დეკემბერს უმეტესად უნალექო ამინდია მოსალოდნელი, ღამით შესაძლოა ხანმოკლე წვიმა. meteo.gov.ge-ს მონაცემებით, ჰაერის ტემპერატურა დღისით – 16, ღამით კი – 8 გრადუსი იქნება.

2018 წლის პირველ იანვარს აჭარის სანაპირო რაიონებში მოსალოდნელია დროგამოშვებით წვიმა, მთაში კი – ითოვებს.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ელფოსტა: kvachadze.n@gmail.com