სიახლეები

პატიმრობა ტელევიზორისა და თეფშების ქურდობაში ბრალდებულს

11.06.2015 • 1279
პატიმრობა ტელევიზორისა და თეფშების ქურდობაში ბრალდებულს

 

პროკურორ თორნიკე მარსაგიშვილის ინფორმაციით, ბრალდებულმა ბათუმში, რურუას ქუჩაზე ბინა 30 მაისს იქირავა და სწორედ ამ ნაქირავები ბინიდან მოიპარა ნივთები. ასევე მეორე ბინა დაიქირავა 31 მაისს და მეპატრონეს ბინის საფასური არ გადაუხადა. ბრალდებული ადრე ნასამართლევია ქურდობის ფაქტზე და გასულ წელს ის პირობითი სასჯელით გაათავისუფლეს.

 

“თითქმის ნახევარი საუკუნის ვარ და მრცხვენია, რომ ახლა აქ ვარ. არ ვიცი რა დამემართა. მე ამ ბრალდებებს ვაღიარებ, ვინანიებ გულწრფელად, თავს არ გაცოდებთ ბატონო მოსამართლე, მაგრამ ჩემი შვილები ისე დაიბადნენ და გაიზარდნენ მათ გვერდით არ ვყოფილვარ, ახლა შვილიშვილს ველოდები და ძალიან მინდა ის ვნახო, კანონს და დაზარალებულს რაც ზიანი მივაყენე, ვეცდები, რომ ეს ზარალი ავანაზღაურო”, – თქვა ბრალდებულმა სასამართლო დარბაზში.

 

მოსამართლემ პროცესის დასრულების შემდეგ განმარტა, რომ შეიძლება ბრალდებული არ მიემალოს გამოძიებას და მტკიცებულების მოპოვებას ხელი არ შეუშალოს, თუმცა ასევე გამოთქვა ეჭვი, რომ შესაძლოა ახალი დანაშაული ჩაიდინოს _ სწორედ ამ მოტივით შეუფარდა ბრალდებულს მოსამართლემ პატიმრობა.

გადაბეჭდვის წესი


ასევე: