3 მილიონ 139 306 ლარი კურორტ „გოდერძიზე“ კერძო პირებისგან მიწის გამოსასყიდად

დღეს, 19 დეკემბერს, აჭარის მთავრობის სხდომაზე, ფინანსთა და ეკონომიკის მინისტრმა რამაზ ბოლქვაძემ კურორტ „გოდერძიზე“ ფიზიკური პირების საკუთრებაში არსებული მიწის ნაკვეთების გამოსასყიდი კომპენსაციის გამოყოფაზე ისაუბრა.

მინისტრის თქმით, ეს თანხა 3 მილიონ 139 306 ლარია.

აჭარის რესპუბლიკური ბიუჯეტიდან მინიციპალიტეტებში განსახორციელებელი პროექტებისთვის, წელს, მთლიანობაში 17 მილიონ 200 000 ლარი გამოიყო. აქედან 2 მილიონ  551 673 ლარი არის ტედერების და პროექტების ნაწილის 2018 წელში გადატანის გამო მიღებულ ეკონომია.

884 884 ლაღი გამოუყეს ქობულეთის მუნიციპალიტეტს. ამ თანხიდან 317 770  ლარი ქობულეთის სანაპირო ზოლის ნაპირდაცვითი ნაგებობის რეაბილიტაციას მოხმარდება, 229 320 ლარი კი ქობულეთის წყალარინების პროექტზე დაიხარჯება.

სხვა მუნიციპალიტეტებზე კი თანხები ასე გადანაწილდა:

ბათუმის მუნიციპალიტეტი – 7 მილიონ 973 438 ლარი, მათ შორის მილიონ 431 748 შეადგინა ეკონომიამ. ხელვაჩაურის მუნიციპალიტეტი –  556 753 ლარი, მათ შორის ეკონომიამ 60 263 ლარი შეადგინა.

ქედის მუნიციპალიტეტი – მილიონ 809 986 ლარი, ეკონომია – 69 487 ლარი.

შუახევის მუნიციპალიტეტი – 2 054 717 ლარი, ეკონომია – 76 162.

ხულოს მუნიციპალიტეტი – მილიონ 255  631 ლარი, ეკონომია – 114 442.

აჭარის საავტომობილო გზებისა და სამელიორატიო სისტემების მართვის დეპარტამენს კი მილიონ 255 631 ლარი გამოუყეს, აქედან ეკონომია არის 114 442 ლარი.

თანხა – 17 მილიონი ლარი, ძირითადად, აჭარის მუნიციპალიტეტებში ინფრასტრუქტურულ სამუშაოებს  მოხმარდება.

 

 

ნეტგაზეთის მასალების სხვა გამოცემებში გადაბეჭდვის წესი


ავტორი