მთავარი,სიახლეები,სპორტი

„ბათუმის“ მწვრთნელი: „დიდი მადლობა ბიჭებს და გულშემატკივარს“

16.12.2017 • 2194
„ბათუმის“ მწვრთნელი: „დიდი მადლობა ბიჭებს და გულშემატკივარს“

ბათუმის სარაგბო კლუბ „ბათუმის“ მთავარმა მწვრთნელმა დავით გუგუშვილმა  რუმინეთის გუნდთან, „ტიმიშოარა სარასენსისთნ“ „ბათუმის“ გამარჯვების შემდეგ კომენტარი გააკეთა:

„პირველ რიგში მინდა მივულოცო ბიჭებს, მათ ზეიმი მოუტანეს დღეს ბათუმს, დიდი მადლობა მინდა ვუთხრა თავდადებისთვის, ამ ჟინისთვის, რომ ბოლო წუთამდე, რა დავალებაც ჰქონდათ შესასრულებელი, ზედმიწევნით კარგად შეასრულეს და დასახული მიზანი რაც გვქონდა, რომ ჯგუფიდან გავსულიყავით ის შევასრულეთ. ვნახოთ ახლა პირველზე გავალთ თუ მეორეზე, ვინ გვეყოლება მეტოქედ იანვარში.

მე ვფიქრობ, „ტიმიშოარა სარასენსი“ ამ ტურნირის ფავორიტი გუნდია, პირველ ადგილზე იყო, სამი თამაში ზედიზედ ბონუსებით და წარმატებით დაამთავრა. უბრალოდ, ჩვენც უკან აღარაფერი გვრჩებოდა, მხოლოდ გამარჯვება და მიხარია, რომ ამ შედეგს მივაღწიეთ.

დიდი მადლობა კიდევ ერთხელ გულშემატკივარს, ქალაქს და ყველას, ვინც გვერდში დაგვიდგა და ვინც დღევანდელ დღემდე მოგვიყვანა. უბედნიერესები ვართ“,  – განაცხადა დავით გუგუშვილმა ჟურნალისტებთან.

ბათუმის „ბათუმმა“ რუმინეთის „ტიმიშოარა სარასენსი“ ანგარიშით 20:17 დაამარცხა. ამ გამარჯვებით „ბათუმი“ ფლეი ოფში მოხვდა და 2018-2019 წლების სეზონის „ჩელენჯ ქაფში“ მოსახვედრ საგზურს ერთი ნაბიჯით მიუახლოვდა.

 

გადაბეჭდვის წესი


ასევე: