რატომ ითიშება შუქნიშნები ბათუმში

ბათუმში, გორგილაძისა და თავდადებულის ქუჩების კვეთაში არსებული შუქნიშანი გათიშულია. ფოტომასალა რამდენიმე წუთის წინ „ბათუმელებს“ მოქალაქემ მოაწოდა.

ბათუმის მერიის სატრანსპორტო ინფრასტრუქტურის მართვის სააგენტოს ხელმძღვანელის, გიორგი ჩხეიძის ინფორმაციით, შუქნიშნები ზოგჯერ ძაბვის ვარდნის გამო ითიშება და „შესაძლებელია ამის გამო იყო გამორთული. როგორც ვიცი, ახლა ჩართულია.“

მისივე ინფორმაციით, ბათუმში ხუთი ძველი შუქნიშანი ახლით შეიცვლება, სამ ადგილზე კი, სადაც მანამდე არ იდგა, ახალი გაკეთდება.

შუქნიშნები გამოიცვლება პუშკინის ქუჩაზე, თავდადებულის, მელიქიშვილისა და ლერმონტოვის კვეთაში. ასევე, ბაგრატიონისა და ჯავახიშვილის და ჯავახიშვილისა და ლერმონტოვის ქუჩების კვეთაში.

შუქნიშნები დამონტაჟდება: შავშეთისა და ბაგრატიონის ქუჩების კვეთაში, გორგილაძის ქუჩის ბოლოში, „გუდვილთან“ ახლოს. ასევე ადლიის დასახლებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com