მთავარი,სიახლეები

ყალბი ფულის გასაღებაზე ორი პირი დააკავეს

03.12.2017 • 1589
ყალბი ფულის გასაღებაზე ორი პირი დააკავეს

ყალბი 50 და 100-ლარიანი კუპიურების გასაღებაზე ფინანსთა სამინისტროს საგამოძიებო სამსახურმა ორი პირი დააკავა. გამოძიების ვერსიით, ბრალდებულებმა იმერეთის რეგიონში გაასაღეს ყალბი ფული.

გამოძიება მიმდინარეობს საქართველოს  სისხლის სამართლის კოდექსის 212-ე მუხლის მეორე ნაწილით, რაც ყალბი ფულის დამზადებას ან გასაღებას გულისხმობს. ბრალის დადასტურების შემთხვევაში, ბრალდებულებს ელით თავისუფლების აღკვეთა 7-დან 10 წლამდე ვადით.

ფინანსთა სამინისტროს საგამოძიებო სამსახურის ინფორმაციით, ამ ეტაპზე ტარდება შესაბამისი ოპერატიულ-სამძებრო ღონისძიებები დანაშაულში თანამონაწილე სხვა პირების გამოვლენის მიზნით.

გადაბეჭდვის წესი


ასევე: