„ელესამ“ ახალი აუდიოალბომი გამოუშვა

ქედის კულტურის ცენტრთან არსებულმა ვაჟთა ვოკალურმა ანსამბლმა  „ელესამ“ მეორე აუდიოალბომი გამოუშვა.  „ელესას“ აუდიოალბომის პრეზენტაცია ოფიციალურად  გუშინ, 30 ნოემბერს,  საქართველოს ფოლკლორის სახელმწიფო ცენტრის საგამოფენო დარბაზში ფონდი „ქართული გალობის“ ორგანიზებით გაიმართა.

ალბომი, რომელშიც „ელესას“ მიერ შესრულებული ცხრამეტი ძველი აჭარული სიმღერაა ჩაწერილი, „ქართული გალობის“ მოძრავმა სტუდიამ ადგილზე, ქედაში ჩაწერა.

„ელესამ“ პირველი აუდიოალბომი 2016 წელს, ანსამბლის 25-ე  წლის იუბილეზე გამოსცა. პირველ დისკში 20 სიმღერაა ჩაწერილი.

ფონდმა „ქართულმა გალობამ“ ანსამბლი „ელესა“ 2013 წელს ქართული ტრადიციული კულტურის პოპულარიზებაში შეტანილი წვლილისათვის დააჯილდოვა ნომინაციაში – „ახალი თაობა“  .

ნეტგაზეთის მასალების სხვა გამოცემებში გადაბეჭდვის წესი
ავტორი