მთავარი,სიახლეები

საკონსტიტუციო სასამართლოს გადაწყვეტილება მარიხუანას დეკრიმინალიზაციაზე

30.11.2017 • 7773
საკონსტიტუციო სასამართლოს გადაწყვეტილება მარიხუანას დეკრიმინალიზაციაზე

მარიხუანას მოხმარებისთვის სისხლის სამართლის კოდექსის 273-ე მუხლით აღარავინ დაისჯება. საკონსტიტუციო სასამართლომ მარიხუანას მოხმარებაზე გადაწყვეტილება რამდენიმე წუთის წინ გამოაცხადა.

სარჩელის ავტორი მოქალაქე გივი შანიძე იყო. იგი სისხლის სამართლის კოდექსის 273-ე მუხლის ჩანაწერს ასაჩივრებდა, რომლითაც დასჯადი იყო მარიხუანას მოხმარება ექიმის დანიშნულების გარეშე.

მარიხუანას მოხმარებაზე სისხლის სამართლებრივი პასუხისმგებლობა 2015 წელს გაუქმდა ბექა წიქარიშვილის გახმაურებული საქმის შემდეგ, თუმცა აქამდე ეს გადაწყვეტილება მხოლოდ 70 გრამამდე გამომშრალ მარიხუანას ეხებოდა.

დღეს, 30 ნოემბერს, საკონსტიტუციო სასამართლოს მიერ მიღებულ გადაწყვეტილებაში მარიხუანას ოდენობა ნახსენები აღარ არის.

მარიხუანას მოხმარებაზე პირს შესაძლებელია მხოლოდ ადმინისტრაციული პასუხისმგებლობა დაეკისროს.

გადაბეჭდვის წესი


ასევე: