9-10 დეკემბერს ბათუმში, ყინულის მოედანზე, საქართველოს ყინულის ჰოკეის ეროვნული ჩემპიონატის მე-2 ტური გაიმართება.
ტურის განრიგი ასე გამოიყურება:
– შაბათი, 19:00-20:30 – 18 წლამდელთა ეროვნული ჩემპიონატი, ერთმანეთს დაუპირისპირდებიან ბათუმისა და თბილისის გუნდები.
– შაბათი, 20:45-22:45 – ეროვნული ჩემპიონატი: ბაკურიანის “მიმინო” – თბილისის “რუხი მგლები”.
– კვირა, 09:00-10:30 – 18 წლამდელთა ეროვნული ჩემპიონატი, ერთმანეთს დაუპირისპირდებიან ბათუმისა და ქუთაისის გუნდები.
– კვირა, 10:45-12:45 – ეროვნული ჩემპიონატი: თბილისის “ცეცხლოვანი ჯვაროსნები” – თბილისის “ყინულის რაინდები”
ქუთაისისა და ბათუმის გუნდები, ჯერჯერობით, მხოლოდ 18 წლამდელთა ეროვნულ ჩემპიონატში მონაწილეობენ, ეროვნულ ჩემპიონატში მონაწილეობენ თბილისის სამი და ბაკურიანის ერთი გუნდი.
ჩემპიონატის თამაშებზე დასწრება თავისუფალია.