მთავარი,სიახლეები

ნურიგელის ტბაში ჭრელი სქელშუბლას, თეთრი ამურისა და კობრის 1,5 ტონა ლიფსიტებს გაუშვებენ

23.11.2017 • 4120
ნურიგელის ტბაში ჭრელი სქელშუბლას, თეთრი ამურისა და კობრის 1,5 ტონა ლიფსიტებს გაუშვებენ

ბათუმის ცენტრალური პარკის ტბაში [„ნურიგელის ტბა“] გათევზიანებისთვის ჭრელი სქელშუბლას, თეთრი ამურისა და კობრის ლიფსიტების შესაძენად ბათუმის ტურისტული ობიექტების მართვის სააგენტოს 20 ათასი ლარი აქვს გამოყოფილი. ლიფსიტების შეძენასა და ტბაში გაშვებაზე შესაბამისი ტენდერი სააგენტომ უკვე გამოაცხადა.

ტბაში უნდა გაუშვან:

[checklist]

  • ჭრელი სქელშუბლა (Hypophthalmichtys molitrix) – თითოეული არანაკლებ 300 გრამი – 600 კილოგრამი;
  • თეთრი ამური (Ctenopharyngodon idella) – თითოეული არანაკლებ 50 გრამი – 600 კილოგრამი;
  • კობრი (Cyprinus carpio), თითოეული ლიფსიტა მინიმალური წონით – არანაკლებ 30 გრამი – 300 კილოგრამი.

[/checklist]

ლიფსიტების ტბაში გაშვება უნდა განხორციელდეს ტენდერში გამარჯვებულთან ხელშეკრულების გაფორმებიდან 15 დღეში. საქონლის მიწოდება კი, მოხდება სააგენტოს დავალებით განსაზღვრული კონკრეტული დროის შესაბამისად.


ნურიგელის ტბის გათევზიანებისთვის, ბათუმის ბიუჯეტიდან 20 ათასი ლარის გამოყოფაზე ბათუმის საკრებულომ გადაწყვეტილება მიმდინარე წლის ივლისში მიიღი.

6 მაისის პარკში, ნურიგელის ტბაში, ბევრი მოქალაქე თევზაობს, თუმცა თევზჭერა აქ არ არის რეკომენდებული. სპეციალისტების რეკომენდაციით, ამ ტბაში დაჭერილი თევზი მხოლოდ კარგი თერმოდამუშავების შემთხვევაში არ არის საშიში ჯანმრთელობისთვის.

 

გადაბეჭდვის წესი


ასევე: