შმაგი ბოლქვაძე მსოფლიო ჩემპიონი გახდა

პოლონეთის ქალაქ ბიდგოშჩში გამართულ მსოფლიო 23-წლამდელთა ჩემპიონატზე ქართველმა ბერძნულ-რომაული სტილით მოჭიდავეებმა 1 ოქროს და 3 ვერცხლის მედალი მოიპოვეს.

მსოფლიო ჩემპიონი შმაგი ბოლქვაძე (66 კგ) გახდა. შმაგი ბოლქვაძემ გამარჯვება მსოფლიო ჩემპიონატის ფინალში რუსეთის სახელით მოასპარეზე ალენ მირზოიანთან მოიპოვა.

ჩემპიონატზე ვერცხლის მედლები მოიპოვეს: გელა ბოლქვაძემ (75 კგ), ლაშა გობაძემ (80 კგ) და ზვიად პატარიძემ (130 კგ).

საერთო გუნდურ ჩათვლაში საქართველოს ნაკრებმა 51 ქულით პირველი ადგილი დაიკავა, მეორეზე რუსეთი გავიდა 50 ქულით, მესამეზე – თურქეთი 42 ქულით.

ამავე თემაზე:
20 წლის მსოფლიო ჩემპიონი ხულოდან 

მთავარ ფოტოზე: შმაგი ბოქლვაძე, ფოტო: ჭიდაობის ეროვნული ფედერაცია

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com