ბათუმში, მახინჯაურის დასახლებაში, ახალი სამედიცინო ცენტრი გაიხსნა. ცენტრი მოსახლეობას ამბულატორიულ მომსახურებას შესთავაზებს.
აჭარის ჯანდაცვის სამინისტროს ინფორმაციით, სამედიცინო ცენტრი „მედალფა“ საყოველთაო ჯანდაცვის პროგრამაში მონაწილეობს და ხელმისაწვდომი იქნება სახელმწიფო ჯანდაცვის პროგრამების უმეტესობა.
ჰოსპიტალური ქსელი „მედალფა“ 6 სამედიცინო დაწესებულებას აერთიანებს თბილისსა და სხვა რეგიონებში. მახინჯაურში ახალი სამედიცინო ცენტრი თამარ მეფის მესამე შესახვევში, #17-ში მდებარეობს.
ახალი სამედიცინო ცენტრი მახინჯაურში/ 22.11.2017/ ფოტოები: აჭარის ჯანდაცვის სამინისტრო
