შუახევის საკრებულომ თავმჯდომარე ვერ აირჩია – კანდიდატი „ოცნების“ მაჟორიტარია

დღეს, 20 ნოემბერს, შუახევის ახალარჩეული საკრებულო შეიკრიბა. „ქართული ოცნების“ მიერ დასახელებულ კანდიდატს, გიორგი დავითაძე, რომელიც დაბის მაჟორიტარია, საკრებულოს 23 წევრიდან მხოლოდ 12-მა დაუჭირა მხარი. თავმჯდომარის არჩევისთვის 13 ხმა საკმარისი იყო.

შუახევის საკრებულოში 24 წევრიდან 19 „ქართული ოცნებიდანაა“.

„ბათუმელების“ ინფორმაციით, კენჭისყრაში მონაწილეობაზე უარი განაცხადა საკრებულოს ერთმა წევრმა „ევროპული საქართველოდან“ მირზა თურმანიძემ.

სხდომაზე შესვენება გამოცხადდა, რის შემდეგაც საკრებულოს წევრებმა რეგისტრაცია ხელახლა გაიარეს, თუმცა ქვორუმი არ შედგა.

„ბათუმელები“ საკრებულოს რამდენიმე წევრს დაუკავშირდა, რომლებმაც განაცხადეს, რომ სხდომა შეჩერებულია.

ნოდარ ქარცივაძემ, რომელსაც სხდომა მიჰყავდა, როგორც უხუცეს წევრს, ჩვენთან საუბარში განაცხადა, რომ შესაძლოა სხდომა განახლდეს.

 

ნეტგაზეთის მასალების სხვა გამოცემებში გადაბეჭდვის წესი
ავტორი