ხვალ ღამით ამინდი მკვეთრად გაუარესდება

აჭარის რეგიონალური ჰიდრომეტეოროლოგიური ობსერვატორიის ინფორმაციით, ხვალ ღამით ჰაერის ტემპერატურა მკვეთრად დაეცემა და გაწვიმდება. ამინდის პროგნოზის მიხედვით, 21 ნოემბრიდან მომდევნო ორი დღის განმავლობაში აჭარის სანაპირო ზოლში იწვიმებს, დროგამოშვებით იქნება ძლიერი წვიმა, მთაში – ითოვებს.

ჰაერის ტემპერატურა სანაპირო ზოლში 10-12 გრადუსი იქნება, მთაში -5, + 5 გრადუსი. გაძლიერდება სამხრეთ-დასავლეთის ქარი 18-22 მეტრი წამში. 21 ნოემბრის ღამეს მოსალოდნელია ასევე ზღვაში შტორმი – 4-5 ბალი.

ჰიდრომეტეოროლოგიურ ობსერვატორიაში გვითხრეს, რომ 25 ნოემბრიდან აჭარაში ისევ გამოიდარებს, თუმცა შენარჩუნდება ჰაერის  დაბალი ტემპერატურა.

დღეს, 20 ნოემბერს, ბათუმში 18 -22 გრადუსი სითბოა.

ნეტგაზეთის მასალების სხვა გამოცემებში გადაბეჭდვის წესი
ავტორი