აჭარის ფინანსთა და ეკონომიკის სამინისტრო ავტომანქანების მრეცხავს ეძებს

აჭარის ფინანსთა და ეკონომიკის სამინისტრომ ავტომანქანების მრეცხავის პოზიციაზე გამარტივებული კონკურსი გამოაცხადა, საკონკურსო განაცხადის მიხედვით შერჩეული კანდიდატი დასაქმდება სრულ განაკვეთზე, ხოლო მისი ანაზღაურება 625 ლარი იქნება.

განაცხადის მიხედვით დასაქმების მსურველი უნდა იყოს პუნქტუალური, კომუნიკაბელური, ორგანიზებული და მას უნდა ჰქონდეს პასუხისმგებლობის მაღალი გრძნობა.

კონკურსი ორეტაპიანია. პირველი ეტაპზე განაცხადებს გადაარჩევენ, შემდეგი ეტაპი კი გასაუბრება იქნება.

აჭარის ფინანსთა და ეკონომიკის სამინისტროს აქვს საკუთარი ავტოფარეხი და სამრეცხაო, სამინისტროს ბალანსზე ირიცხება 23 ავტომანქანა, რომლითაც სამინისტროს თანამდებობის პირები გადაადგილდებიან.

2016 წელს ავტოსატრანსპორტო საშუალებების ტექნიკურ მომსახურებაზე სამინისტრომ 51 892 ლარი დახარჯა,  გარდა ამისა გასულ წელს სამინისტრომ 52 959 ლარის ღირებულების 37,8 ტონა საწვავი შეისყიდა.

ნეტგაზეთის მასალების სხვა გამოცემებში გადაბეჭდვის წესი
ავტორი