სტიქიის შედეგად დაზიანებული სახლის შესაკეთებლად შუახევში ფინანსურ დახმარებას 14 ოჯახი მიიღებს

16 -17 ოქტომბერს სტიქიის შედეგად დაზარალებული ოჯახების დასახმარებლად შუახევის გამგეობამ, დღეს, 10 ნოემბერს, ადგილობრივი ბიუჯეტიდან 10 200 ლარი გამოყო.

შუახევის მუნიციპალიტეტის გამგეობის საზოგადოებასთან ურთიერთობის სამსახურის უფროსის, იამზე ფუტკარაძის ინფორმაციით, სტიქიის შედეგად დაზარალებული ოჯახების მდგომარეობა კომისიამ შეისწავლა და კომისიის გადაწყვეტილებით, სახლების შესაკეთებლად ფინანსურ დახმარებას 14 ოჯახი მიიღებს.

ფინანსური დახმარების მოთხოვნით შუახევის გამგეობაში სულ 23 განაცხადი იყო შესული.

შუახევის გამგეობას, მიმდინარე წლის ადგილობრივ ბიუჯეტში, სტიქიის შედეგად დაზარალებულ ოჯახების დასახმარებლად სულ  70 000  ლარი აქვს გაწერილი.

ნეტგაზეთის მასალების სხვა გამოცემებში გადაბეჭდვის წესი
ავტორი