საზოგადოება „ბათომი“ ზურაბ პატარაძეს შეხვდება

დღეს, 31 ოქტომბერს, აჭარის მთავრობის თავმჯდომარე, ზურაბ პატარაძე, საზოგადოება „ბათომის“ წევრებს შეხვდება. შეხვედრის მიზანი ზონალური საბჭოს დაკომპლექტების წესის განხილვაა.

„ბათომის“ წევრები მიიჩნევენ, რომ ზონალური საბჭო, რომელიც კულტურული მემკვიდრეობის ძეგლების მიმდებარედ არსებულ შენობებზე დაშენების, მიშენების ან ახალი პროექტების განხორციელებაზე გასცემს ნებართვებს,  დაკომპლექტებულია მერიისა და სამინისტროებში მომუშავე ჩინოვნიკებით და არა – პროფესიონალებით, რამაც, ურბანული თვალსაზრისით, მძიმე შედეგები მოუტანა ქალაქს. „ბათომი“ მიიჩნევს, რომ მნიშნელოვანია ზონალურ საბჭოში დარგის სპეციალისტები მოხვდნენ.

„ბათომმა” ზურაბ პატარაძეს შეხვედრის მოთხოვნით ოფიციალური წერილი რამდენიმე დღის წინ გაუგზავნა, შეხვედრა გუშინ, 30 ოქტომბერს ჩაინიშნა.

ამავე თემაზე:

კორუფცია და საზოგადოების ინტერესების გათელვა – ბათომის მიმართვა ზურაბ პატარაძეს 

ქალაქი შენი ფანჯრიდან 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com