,,გოლდენ სიი“-ს დუალური სწავლების პირველი გამოშვება, უმრავლესობა დასაქმებულია

დღეს, 27 ოქტომბერს, სასტუმრო „კოლიზეუმში“ საერთაშორისო კოლეჯი ,,გოლდენ სიი“-ს პირველი გამოშვება შესაბამისი ცოდნის დამადასტურებელი სერტიფიკატებით დააჯილდოვეს. ,,გოლდენ სიი“ ერთ-ერთი პირველია, რომელიც სასწავლო პროცესს დუალურად წარმართავს.

კურსდამთავრებულთა პირველი ნაკადი სასტუმრო „კოლიზეუმში“ და „პიაცა ბათუმში“ გადიოდნენ სასწავლო პრაქტიკას. მათი უმეტესობა უკვე დასაქმებულია, როგორც აღნიშნულ კომპანიებში, ასევე ბათუმში არსებულ სხვდასხვა მომსახურების პროფილის ბრენდულ საწარმოში, მათ შორის სასტუმო „ლეოგრანდიში“, რესტორან „შატილში“ და სხვა.

კურსდამთავრებულებს სწავლის დასრულება მიულოცეს კოლეჯის დირექტორმა ლეილა გოგიტიძემ, აჭარის ავტონომიური რესპუბლიკის დასაქმების სააგენტოს დირექტორმა თემურ კახიძემ, ბათუმის სახელმწიფო საზღვაო აკადემიის პროფესიული მომზადების ცენტრის უფროსმა გოჩა გოგიტიძემ, „პიაცა ბათუმის“ რესტორან „მიმინოს“ შეფ-მზარეულმა ლევან გოგიტიძემ, კომპანია თერგი XXII პეზიდენტმა ედნარ ბაგრატიონმა და სასტუმრო „კოლიზეუმის“ კომერციულმა დირექტორმა ნიკო შეყლაშვილმა.

ლეილა გოგიტიძის თქმით, ,,ეს დღე მნიშნელოვანი იყო ყველასთვის. სტუდენტთა ეს ნაკადი იყო პირველი, რომლებიც სასურველ პროფესიებს დაეუფლნენ ,,დუალური სწავლების“ მეთოდით. გამოცდილებამ გვიჩვენა, რომ ჩვენი კოლეჯის სტუდენტები, რომლებიც თორიულ და პრაქტიკულ სწავლებას დამსაქმებელთან გადიოდნენ, დასაქმდნენ სწორედ იმ ადგილებზე, სადაც მიმდინარეობდა სასწავლო კურსი (სასტუმრო „ლეოგრანდი“, სასტუმრო „პიაცა“). ჩვენ ძალიან გვახარებს თითოეული მათგანის წარმატება და მომავალშიც აუცილებლად გავაგრძელებთ საქმეს კიდევ უფრო მეტი ენთუზიაზმით და მონდომებით“.

შავი ზღვის საერთაშორისო კოლეჯი „გოლდენ სიი“ არის დასავლეთ საქართველოში პირველი პროფესიული სასწავლებელი, რომელმაც დუალური სწავლება განახორციელა.

ლეილა გოგიტიძე – შავი ზღვის საერთაშორისო კოლეჯ „გოლდენ სიი“-ის დირექტორი, ფილოლოგიის მეცნიერებათა დოქტორი, ლინგვისტი

ლეილა გოგიტიძე – შავი ზღვის საერთაშორისო კოლეჯ „გოლდენ სიი“-ის დირექტორი, ფილოლოგიის მეცნიერებათა დოქტორი, ლინგვისტი

დუალური სწავლება – სწავლების გერმანული მოდელია, რაც დამსაქმებლის მეთვალყურეობით თეორიისა და პრაქტიკის ერთდროულ ჩართულობას გულისხმობს. დუალური სწავლების პირობებში სტუდენტი თავსდება იმ სივრცეში, იმ სპეციალობითა და იმ დამსაქმებელთან, სადაც შემდგომში აპირებს დასაქმებას. ეს მეთოდი არის მოკლე და ეფექტური გზა ბაზარზე კონკურენტუნარიან კადრის მოსამზადებლად.

ნეტგაზეთის მასალების სხვა გამოცემებში გადაბეჭდვის წესი


ავტორი