განცხადებები

43 წლის ტარიელ მიქელაძეს სასწრაფოდ ესაჭიროება ძვლის ტვინის გადანერგვა

08.07.2016 • 2145
43 წლის ტარიელ მიქელაძეს სასწრაფოდ ესაჭიროება ძვლის ტვინის გადანერგვა

43 წლის ქედის მუნიციპალიტეტის მკვიდრს, ტარიელ მიქელაძეს სასწრაფოდ ესაჭიროება ძვლის ტვინის გადანერგვის ძვირადღირებული ოპერაცია. ტარიელ მიქელაძე ორი მცირეწლოვანი შვილის მამაა. მისი ოჯახი სოციალურად დაუცველია.

„ბათუმელებს“ დახმარების თხოვნით ტარიელ მიქელაძის ოჯახის წევრებმა მიმართეს. მათი თქმით ტარიელ მიქელაძე ორი წლის განმავლობაში საქართველოში არასწორი დიაგნოზით მკურნალობდა – იტარებდა ქიმიოთერაპიებს და სხვადასხვა კურსებს.

საბოლოო დიაგნოზი თურქეთის ერთ-ერთ კლინიკაში ანალიზების გადაგზავნის შემდეგ მიიღო – სოლიტარული პლაზმოციტომა [ლეიკემია]. რაც საჭიროებს ძვლის ტვინის სასწრაფო გადანერგვას. ტარიელ მიქელაძის ოჯახის წევრები ამბობენ, რომ ოჯახს საკმარისი რესურსები ოპერაციისათვის არ გააჩნია და მთელი თანხა რაც მეგობრების, ნათესავებისა და ახლობლების დახმარებით შეაგროვეს ამ ორი წლის განმავლობაში დახარჯეს კვლევებსა და მკურნალობაში.

ნათესავების თქმით, ტარიელ მიქელაძის მამამ შვილის მდგომარეობა იმდენად განიცადა, რომ ფსიქიატრიულ საავადმყოფოში გახდა მისი მოთავსება საჭირო. ჯანმრთელობის პრობლემები აქვს ტარიელის მეუღლესაც.

ტარიელ მიქელაძე დახმარების თხოვნით მიმართავს სხვადასხვა ორგანიზაციებს, მოქალაქეებს და ყველას ვისაც შეუძლია: „გთხოვთ გამიხანგრძლივოთ სიცოცხლე და ჩემს ოჯახს ნუ დამატოვებინებთ ობლად“, – წერს ის ერთ-ერთ წერილში.

ანგარიში გახსნილია სს „საქართველოს ბანკში“
ანგარიშის ნომერი:
GE8BG0000000559288200

გადაბეჭდვის წესი


ასევე: