„წიგნები საქართველოდან ემიგრანტებისთვის” – საიას აქცია ბათუმში

„წიგნები საქართველოდან“ –  დღეს, 2 ივნისს,  ბათუმში  ამ სახელწოდებით ჩატარდა აქცია, რომელიც მიზნად ემიგრანტებისთვის წიგნების შეგროვებას ისახავდა. აქციის ფარგლებში ორი ღონისძიება გაიმართა, ერთი ბათუმის შოთა რუსთაველის სახელმწიფო უნივერსიტეტში, მეორე კი  ბათუმის საზაფხულო თეატრში. ორივე აქციის ფარგლებში, ჯამში, 327 წიგნი შეგროვდა. აქციის ორგანიზატორი საქართველოს ახალგაზრდა იურისტთა ასოციაცია იყო. მასში ბსუ-ს პროფესორები, სტუდენტები, საჯარო და კერძო სექტორის წარმომადგენლები ჩაერთნენ.

„ჩვენი პროექტის ძირითადი იდეა არის მიგრაციის მართვის განვითარება საქართველოში. მთავარი მიმართულება არის კვლევის კომპონენტი და კვლევაზე დაფუძნებული ადვოკატირების გაწევა ემიგრანტთათვის. ვიკვლევთ მათ საჭიროებებს, ასევე, ემიგრაციის გამომწვევ მიზეზებს რეგიონში საქართველოს მასშტაბით. ემიგრანტებთან შეხვედრის დროს გაჩნდა იდეა გაგვეკეთებინა ასეთი პროექტი. გვინდოდა მცირე ყურადღება გამოგვეხატა მათდამი,“ –  ამბობს მიგრაციის პროექტის კოორდინატორი აჭარა-გურიის რეგიონში ირაკლი ვარშანიძე.

აქციის ფარგლებში შეგროვილი წიგნებს ხუთ ქვეყანაში – პოლონეთში, თურქეთში, საბერძნეთში, უკრაინასა და  იტალიაში მცხოვრებ ემიგრანტებს გაუგზავნიან.

 

1 (79) (Copy)

 

1 (496) (Copy)

ნეტგაზეთის მასალების სხვა გამოცემებში გადაბეჭდვის წესი
ავტორი