"ბათუმელების“ არქივიდან

პრესსამსახური დამოუკიდებლობას კარგავს

18.02.2004 • 1808
პრესსამსახური დამოუკიდებლობას კარგავს

პრეზიდენტის პრესსამსახური პრეზიდენტის ადმინისტრაციის დაქვემდებარებაში შევა. აღნიშნული სამსახური სტრუქტურულად გამარტივდება და რაოდენობრივადაც შემცირდება.

სახელმწიფო კანცელარიაში აკრედიტებულ ჟურნალისტებს კი მესამე სართულის ზემოთ სპეციალური საშვის გარეშე ასვლა აეკრძალებათ.

პრეზიდენტის ადმინისტრაციის უფროსი ირაკლი ჩუბინიშვილი ამტკიცებს, რომ ახალი გადაწყვეტილება ჟურნალისტებს მუშაობას გაუადვილებს.

მისი თქმით, გაკეთდება სპეციალური პრეს-ოთახი, სადაც ჟურნალისტებს მუდმივად ყოფნის და ნორმალურად მუშაობის საშუალება მიეცემათ.

„ჟურნალისტებს აღარ მოუწევთ სართულებზე სირბილი და ინფორმაციის მოპოვების მიზნით სახელმწიფო მოხელეებზე ნადირობა“, – აღნიშნა მან.

ჩუბინიშვილის ინფორმაციით, დაიდგმება სპეციალური ტრიბუნა, ხოლო პრესსამსახური უზრუნველყოფს ჟურნალისტებისათვის საინტერესო ნებისმიერი თანამდებობის პირის ჩამოყვანას და ბრიფინგის მოწყობას.

გადაბეჭდვის წესი


ასევე: