ჟურნალისტების როლი კულტურული მემკვიდრეობის დაცვაში – კონკურსი

„მედიის როლი კულტურული მემკვიდრეობის დაცვაში“ – ამ თემაზე შაბათს, 12 ნოემბერს,  ოთხი საათის განმავლობაში ჟურნალისტებთან იმუშავებს ლურჯი ფარის“ საქართველოს კომიტეტის ხელმძღვანელი მანანა თევზაძე.

„ლურჯი ფარის“ ხელმძღვანელი ჟურნალისტებთან შესახევედრად არასამთავრობო ორგანიზაცია “ბათომმა” მოიწვია. ორგანიზაციაში მიაჩნიათ, რომ იმ გამოწვევების გადასაწყვეტად, რის წინაშეც ბათუმში კულტურული მემკვიდრეობა დგას, ჟურნალისტების ჩართულობა მნიშვნელოვანია – საზოგადოების ინფორმირების თვალსაზრისით. სწორედ ამიტომ მნიშვნელოვანია გაიზარდოს ეროვნული და რეგიონული მედიის როლი საქართველოს კულტურული მემკვიდრეობის დაცვისა და პოპულარიზაციის საქმეში.

მოგვიანებით, ამავე თემაზე გამოცხადდება კონკურსი ჟურნალისტებისთვის, რომლის შედეგადაც დაჯილდოვდება სამი საუკეთესო ჟურნალისტური ნამუშევარის (სტატია, სიუჟეტი, ტელე-ბლოგი, რადიო) ავტორი. კონკურსი გამოცხადდება შემდეგ თემებზე:

  • ნაკლებ ცნობილი კულტურული მემკვიდრეობის ან კულტურული მემკვიდრეობის ძეგლის/ელემენტის დაცვის პროექტის პოპულარიზაცია;
  • მემკვიდრეობა, როგორც საჯარო სიკეთე და სოციალურ-ეკონომიკური განვითარების რესურსი;
  • ჟურნალისტური გამოძიება კულტურული მემკვიდრეობის დაზიანების ან მემკვიდრეობის კანონის დარღვევის შემთხვევებზე.

„ლურჯი ფარის“ ხელმძღვანელთან შეხვედრის ორგანიზებისთვის მნიშვნელოვანია წინასწარ დაზუსტდეს იმ ადამიანების რაოდენობა, ვისაც სურს სემინარში მონაწილეობა. შესაბამისად, დარეკეთ ტელეფონის ნომერზე 577 41 85 25

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან