დაბა ხულოში, რუსთაველის ქუჩაზე, ყოფილი სასამართლოს ხის ერთსართულიან შენობაში ათი ოჯახი ცხოვრობს.

სახლი ავარიულ მდგომარეობაშია.

აქ მცხოვრებთა უმეტესობას ჯანმრთელობის პრობლემები აქვს, ოჯახები სოციალურად დაუცველები არიან და თვიდან თვემდე სახელმწიფოს დახმარებით გააქვთ თავი.

 

 

მარგალიტა დავითაძეს ოთხი წლის წინ, სხვენიდან ჩამოვარდნილი ძელი დაეცა. მას შემდეგ მოხუცი საწოლში წევს.

 

 

სევიე თავდგირიძე ავარიულ შენობაში წლებია მარტო ცხოვრობს. თავს პენსიითა და საარსებო შემწეობით ირჩენს. ამბობს, რომ ავარიულ შენობაში ორი წლის წინ თაგვმა დაკბინა.

ხულოს მერი, გოჩა მელაძე ამბობს, რომ რუსთაველის ქუჩაზე, ფიცრულში, მოქალაქეებს დიდხანს არ მოუწევთ ცხოვრება. მისი თქმით, ხულოს მერიამ ყოფილ სასამართლოს შენობაში მცხოვრები ოჯახებისთვის დაბაში, რუსთაველის ქუჩაზე მდებარე  კორპუსში ათი ბინა შეისყიდა და ოჯახებს ბინებს უახლოეს პერიოდში გადასცემენ.


თეგები: | |